Reynið að klankast á rétt!!

Gerðardómurinn hefur ekki ákveðið hversu miklar bætur West Ham á að borga.  Þessir 5 milljarðar eru þeir peningar sem Sheffield U. fór fram á, en ef honum sýnist svo, getur gerðardómurinn dæmt West Ham til að greiða eina krónu í bætur.  Ekki er búist við úrskurði um upphæðina fyrr en í byrjun næsta árs.

Annars sýnir þessi frétt hvað þessi úrskurður er mikil bilun.  Enski boltinn verður eins og bandaríska réttarkerfið, fjöldi fólks að reyna að ná sér í aukapening fyrir lítið sem ekki neitt.

Tíu leikmenn vilja bætur frá West Ham

Þvílík della!!!

Í fyrsta lagi, þá hefði jafntefli dugað West Ham og því er það ekki rétt í fréttinni að þetta eina mark hafi orðið til þess að þeir björguðu sér.

Það sem svíður sárast fyrir Sheffield-menn er að þeir spiluðu við Wigan á heimavelli í lokaumferðinni og gátu ekki náð í eitt einasta stig (sem hefði bjargað Sheffield U. frá falli).

Í öðru lagi þá er þessi dómstóll ekki á vegum úrvalsdeildarinnar heldur enska knattspyrnusambandsins sem hafði ekki lögsögu í upprunalega málinu og getur því ekki breytt upprunalega dómnum.  Sheffield-menn vilja fá skaðabætur þar sem West Ham voru svona vondir að senda þá niður.  Allir dómstólar á vegum úrvalsdeildarinnar hafa hafnað kröfu Sheffield U. um bætur eða breytingar á upprunalegum dómi gegn West Ham.  Það er mér alveg óskiljanlegt hvers vegna knattspyrnusambandið virðir að vettugi úrskurði úrvalsdeildarinnar.

Í þriðja lagi þá er þessi dómur algjört rugl.  Það er ekki við West Ham að sakast í þessu máli.  West Ham fór eftir þeim tilmælum sem úrvalsdeildin gaf.  Deildin staðfesti nokkrum vikum fyrir umræddan leik að Carlos Tevez væri löglegur til að leika með West Ham.

Sheffield-menn vilja meina að dómur úrvalsdeildarinnar hafi verið óréttlátur og að draga hefði átt stig af West Ham.  Það má deila um það enda ekkert fordæmi fyrir nákvæmlega svona máli.  Þó er ljóst að það er ekki heldur við West Ham að sakast um það.

Það er því alveg víst að West Ham mun áfrýja þessum dómi fram í rauðan dauðann.

Svo er ekki ólíklegt að upp komi dómsmál á hverju ári þar sem lið sem falla (eða komast ekki upp) krefjast bóta fyrir það tekjutap sem fylgir því.  Það skiptir ekki svo miklu máli hverjir eru lögsóttir, svo fremi að bætur komi í kassann.  Ef Watford missir naumlega af sæti í úrvalsdeild (eða sæti í aukaleikjum um sæti í úrvalsdeild) ættu þeir að krefjast bóta af línuverðinum eða Reading?  Ef þeir færu eftir fordæmi Sheffield U., þá ættu þeir að fá bætur frá Reading.  Er eitthvað vit í þessu?

Enn eitt áfallið fyrir West Ham

Leikform

Svo nú á að treysta á mann sem hefur ekkert verið að leika sem eina framherjann. 

Kannski Ólafur sé nokkuð viss um að við komumst ekkert fram yfir miðju í leiknum?

Heiðar í fremstu víglínu í dag

Ánægja

Hann er líklega bara svona dauðfeginn að þeir mæta ekki Man.U. eina ferðina enn.

Óvænt ánægja Totti

Laust pláss á bekknum?

En ætli Villa myndi sætta sig við að koma inn á sem varamaður í 10 leikjum á ári?

Benítez vill fá Villa í stað Crouch

Ótakmarkaður fjöldi varamanna?

Þarf leikmaður þá ekki að vera á leikskýrslu til að vera löglegur?

Geta lið þá ekki bara skilið eftir 1-2 eyður á leikskýrslunni og notað síðan hvaða varamenn sem þeim sýnist (svo fremi þeir hafi leikheimild).

Því fer fjarri að ég sé Valsari, en sem íþróttaáhugamaður finnst mér þessi dómur alveg gersamlega út í hött.

Kærunni hafnað og ÍR leikur til úrslita

Til hamingju, Kristinn!

Flott að eiga dómara í fremstu röð, og það úr Kópavoginum. 

Greinilegt að umdeilt atvik á Goodison Park um daginn hefur ekki haft slæm áhrif á dómaraferilinn.

Kristinn valinn til starfa á EM

Athyglisvert

Árið 1996 tók Huckabee við sem ríkisstjóri Arkansas af þeim sem tók við af Bill Clinton.  Nú á að kjósa um hver tekur við sem forseti Bandaríkjanna af þeim sem tók við af Bill Clinton.

Aðeins einn forseti hefur komið frá Arkansas.  Hann var fæddur í 10 þúsund manna bæ sem nefnist Hope.  Það er einnig fæðingarbær Mike Huckabee.

Hvaða þýðingu hafa þessar staðreyndir?  Afskaplega litla, en þær eru samt athyglisverðar.

Huckabee orðinn jafn Giuliani

Gistihús að reyna að skapa betri ímynd?

Jú, á þessum tíma árs er kristið fólk alltaf minnt á það að öll gistihúsin úthýstu sjálfum frelsaranum fyrir langalöngu.

Travelodge vilja kannski bara hafa allan varann á ef þetta myndi gerast aftur.  Hugsið ykkur bara hvað það gæti orðið góð auglýsing:  "Allir aðrir úthýstu frelsaranum, en ekki Travelodge!"*

Eða þá að þeir eru bara að reyna að ná í svolitla athygli.

* Hér lít ég framhjá því að samkvæmt Biblíunni kemur Jesús ekki aftur á sama hátt og hann kom síðast.

María og Jósef fá fría gistingu um jólin

Þvalir???

Vesalings Walesverjarnir!

Þjóðverjar verstu elskendurnir?