Brave New World

Hrikalega sorglegt að svona mörgum börnum með Downs-heilkenni hafi verið "eytt".    En kannski væri ráð að segja okkur líka hversu mörg börn hafi fæðst með Downs-heilkenni á þessum síðustu 4 árum.  Ekki er víst að það hafi verið staðfest að barn væri með Downs-heilkenni í öllum tilfellum.  Annars er nokkuð ljóst að þau börn sem fæðast með þetta munu ekki hafa eins marga leikfélaga í svipaðri stöðu og annars hefði verið.

Hvað er þá langt í það að ríkið yfirtaki svona ákvarðanir fyrir þegnana?  Það kostar talsvert að eiga við brjóstakrabbamein, sem er að nokkru leyti arfgengt.  Eigum við þá að "eyða" börnum þeirra sem hafa fengið brjóstakrabbamein?  Hvers vegna að vera að takmarka þetta við fóstur?  Það væri hægt að spara ríkinu gífurlega peninga með því að losna við kostnaðarsama einstaklinga.  Við getum kannski byggt búðir einhvers staðar fyrir utan Reykjavíkursvæðið þar sem má setja "óþægilegt" fólk sem kostar of mikið fyrir ríkið að sjá um.  Svo má bara senda þau í sturtu og passa að hafa nógu stóran kirkjugarð á svæðinu. 

Foreldrarnir völdu fatlaða barnið

Athugasemdir

[Ólafur Björn Ólafsson, 12.10.2007 kl. 17:16]

Eru ekki einhverjar eyjar á lausu rétt fyrir utan Reykjavík

Nema þá að girða bara utanum Reykjavík en sleppa heilbrigðum út

[Halla Rut , 12.10.2007 kl. 20:56]

O, þetta er svo erfitt mál að ég fæ bara alveg í magann.

[Guðrún Sæmundsdóttir, 16.10.2007 kl. 22:32]

Það er orðið nauðsynlegt að auka fræðslu til barnshafandi foreldra um alla möguleika sem þau hafa ef að fóstugalli kemur í ljós. Spurning hvort að þroskahjálp og styrktarfélag vangefinna geti komið af stað aukinni fræðslu.