Ónákvæm blaðamennska

 Valur lenti 3:0 undir en fyrirliðinn Katrín Jónsdóttir minnkaði muninn eftir klukktímaleik og það mark fleytir Val í 8-liða úrslitin að því gefnu að belgíska liðið Wezemaal tapi fyrir þýska meistaraliðinu Frankfurt í dag.

Þetta er hárrétt, en þó alls ekki víst að þetta gangi eftir.  Frankfurt er aðeins með 3 mörk í plús eftir fyrstu tvo leikina og virðast því ekki hafa verið að sýna neina yfirburði.

Everton þurfti að vinna Val með þriggja marka mun til að komast áfram en það eina sem getur komið í veg fyrir að Valur fari áfram er að Wezemaal vinni stórsigur á Frankurt en leikurinn fer fram síðar í dag.

Þetta stangast að nokkru leyti á við fyrri staðhæfingu og er ekki rétt.  Eitt stig fyrir Wezemaal yrði einnig til þess að Valur væri úr leik. 

Valur tapaði fyrir Everton en kemst líklega áfram

Hún hefur kannski fengið hugmyndina úr...

...sjónvarpsþáttunum um Monk.  Í einum þættinum notar maður svipaða aðferð til að verða sér úti um "skothelda" fjarvistarsönnun.  Á meðan á hlaupinu stendur skreppur hann síðan og myrðir (fyrrum) eiginkonu sína, og slæst svo aftur í hópinn fyrir lokasprettinn þannig að hann sé líka á sjónvarpsmyndum að koma í mark.  Millitímar sem teknir voru á leiðinni "sönnuðu" að hann hefði ekki getað framið glæpinn.

Skrýtið að enginn skuli hafa tekið upp á þessu fyrr, eða hafi að minnsta kosti ekki náðst.

Tryggði sér keppnisrétt á HM og ÓL með svindli

Brave New World

Hrikalega sorglegt að svona mörgum börnum með Downs-heilkenni hafi verið "eytt".    En kannski væri ráð að segja okkur líka hversu mörg börn hafi fæðst með Downs-heilkenni á þessum síðustu 4 árum.  Ekki er víst að það hafi verið staðfest að barn væri með Downs-heilkenni í öllum tilfellum.  Annars er nokkuð ljóst að þau börn sem fæðast með þetta munu ekki hafa eins marga leikfélaga í svipaðri stöðu og annars hefði verið.

Hvað er þá langt í það að ríkið yfirtaki svona ákvarðanir fyrir þegnana?  Það kostar talsvert að eiga við brjóstakrabbamein, sem er að nokkru leyti arfgengt.  Eigum við þá að "eyða" börnum þeirra sem hafa fengið brjóstakrabbamein?  Hvers vegna að vera að takmarka þetta við fóstur?  Það væri hægt að spara ríkinu gífurlega peninga með því að losna við kostnaðarsama einstaklinga.  Við getum kannski byggt búðir einhvers staðar fyrir utan Reykjavíkursvæðið þar sem má setja "óþægilegt" fólk sem kostar of mikið fyrir ríkið að sjá um.  Svo má bara senda þau í sturtu og passa að hafa nógu stóran kirkjugarð á svæðinu. 

Foreldrarnir völdu fatlaða barnið

Þvílíkur léttir!

Mér datt fyrst í hug að þeir væru farnir að reyna að senda fíkniefni með útvarpsbylgjum! 

Það væri nú líklega erfitt að stoppa slíkar sendingar.

Reyndu að smygla sterum og lyfjum í útvarpi

Alveg hárrétt hjá Ólafi

Það þarf að gera átak í því að bæta málnotkun.  Mér hefur lengi fundist vera þörf á því að íslenskir vísindamenn geti tjáð sig á íslensku um sitt svið án þess að sletta sífellt úr ensku eða öðrum málum.  Það þarf þá líka átak í að íslenska fjöldann allan af erlendum fræðiheitum og gera þau aðgengileg fyrir næstu kynslóðir fræðimanna, þ.e. háskólanemendur í viðkomandi greinum.  Þegar ég var í mínu háskólanámi, þá var mikið af fræðiheitum sem aðeins voru notuð á ensku og enginn virtist vita hvort til væri íslenskt orð, hvað það væri, eða kannski voru menn bara tregir til að nota þau.  Því miður hefur það löngum þótt svolítið fínt á Íslandi að sletta úr öðrum málum.  Ég harðneitaði að taka þátt í því að halda áfram að grafa undan því ástkæra ylhýra með þessum hætti og tókst með herkjum að verða mér úti um Íðorðasafn lækna.  Þessi rit notaði ég alveg miskunnarlaust og grunar að stundum hafi kennarar kannski ekki alveg vitað hvað ég var að tala um. 

En það sem skortir miklu meira en einhverjar lagasetningar, er viðhorfsbreyting hjá þeim sem fara með málið í hinum ýmsu fræðigreinum.

Ólafur Ragnar: Engin efnisrök fyrir því að víkja íslenskunni til hliðar

Öryggi fréttamanna

Einhvern veginn hef ég það á tilfinningunni að þetta sé meira til að koma í veg fyrir fréttaflutning frá Búrma en af einskærri gæsku til fréttamanna.

Nema þetta sé bara dulbúin hótun til viðkomandi fréttamanna.  Skilaboðin væru þá kannski í raun þessi:  "Eins gott fyrir ykkur að koma ykkur úr landi, annars gætuð þið orðið fyrir 'slysi'."  

Lögregla í Búrma leitar sænskra blaðamanna í landinu

Við ekki tala góður íslenska hérna

Þetta minnir mig á brot úr pistli sem ég skrifaði um miðjan ágúst eftir heimsókn til heimalandsins.  Ýmislegt kom mér spánskt fyrir sjónir og hér er eitt dæmi úr Geysisferð:  Í minjagripaversluninni ætluðum við að kaupa litla víkingahjálma úr plasti fyrir litlu strákana okkar.   Þegar móðir mín borgaði fyrir hjálmana komst hún að því að afgreiðslustúlkan talaði enga íslensku.  Það vildi svo til að móðir mín talar ágæta ensku og því var þetta ekkert mál.  Stúlkan var víst frá Litháen og ekkert illt um hana að segja.  Þetta vekur þó upp nokkrar spurningar:  Er ástandið í íslenska ferðamannaiðnaðinum þannig að flytja þurfi inn vinnuafl frá Austur-Evrópu?

Neytendur eiga ekki lögvarinn rétt á að versla á íslensku

Hver stendur sig betur?

Það vekur athygli að það er óbreytt staða frá fyrri könnunum að fólki finnst Bandaríkjaþing (í höndum Demókrata, og því varla hægt að kenna Bush um það) standa sig verr en Bush.  

Flestir Bandaríkjamenn ósáttir við störf Bush

Díll?

Er það ekki blettur eð eitthvað svoleiðis? 

Eða eru þeir kannski búnir að selja sál sína enskunni?  Þá er vitanlega ekkert eftir fyrir .

Neituðu díl við djöfulinn

FHingar í feluleik

Mikið óskaplega þætti mér nú vænt um það að FHingar hættu að fela sig á bak við það að svona ákvæði séu venja í svona lánssamningum.  Eða að minnsta kosti gætu þeir svarað því hvers vegna þetta ákvæði var ekki í samningi þriðja leikmannsins?  Er ekki bara alltaf svona ákvæði í lánssamningum, ha?

Jú, jú, FH hefur réttinn sín megin í þessu máli, en ég yrði hissa ef almenningur hefði minnsta áhuga á þessum leik.  Það er alveg á hreinu að ég myndi ekki horfa á þennan leik í sjónvarpi (þó ég hefði tækifæri til), og þaðan af síður borga mig inn.  Tímasóun!

Hundsvekktur að fá ekki að spila úrslitaleikinn