37 + 37 = 72 ??

Nei, hið rétta er að Birgir Leifur lék fyrri 9 holurnar á 35 höggum (samkvæmt vefsíðu mótsins).

Birgir lék á tveimur höggum yfir pari í Hollandi

"...logaði eins og kyndill."

Hann hefur líklega verið svo gegnsósa af vodka, karlinn. 

Bar eld að viðkvæmum stað

Við ekki tala góður íslenska hérna, III.

Meira úr Geysisferð:  Í minjagripaversluninni ætluðum við að kaupa litla víkingahjálma úr plasti fyrir litlu strákana okkar.   Þegar móðir mín borgaði fyrir hjálmana komst hún að því að afgreiðslustúlkan talaði enga íslensku.  Það vildi svo til að móðir mín talar ágæta ensku og því var þetta ekkert mál.  Stúlkan var víst frá Litháen og ekkert illt um hana að segja.  Þetta vekur þó upp nokkrar spurningar:  Er ástandið í íslenska ferðamannaiðnaðinum þannig að flytja þurfi inn vinnuafl frá Austur-Evrópu?  Hvar búa útlendingar sem starfa þarna?  Kannski á tjalsvæðinu?    Reyndar veit ég ekki hvort þetta var einangrað dæmi eða hvort Íslendingar eru í minnihluta á meðal starfsmanna.

Sjálfsagt hefði verið hægt að finna einhvern íslenskumælandi ef þörf hefði verið á og líklegast er mikill meirihluti þeirra sem versla í minjagripaversluninni við Geysi útlendingar, þannig að það er kannski ekkert athugavert við þetta fyrirkomulag.  Samt finnst mér það einhvern veginn hálf-kyndugt að þurfa að tala ensku til að versla á Íslandi.

Við ekki tala góður íslenska hérna, II.

Meira af skiltamálum:  Um þarsíðustu helgi fór ég með fjölskylduna upp að Geysi í Haukadal.  Þegar við nálgumst staðinn þá sé ég skilti í vegkantinum.  Á því stendur "Tjalsvæðið Geysi".  Ég er ekki að skálda þetta!  Þetta var áprentað málmskilti, svipað þeim sem merkja götunöfn í höfuðborginni, þannig að ég vona að fengist hafi góður afsláttur eins og af flugvélarmerkingunni.

Hvernig styrk?

"Johnson & Johnson undirstrikaði í fréttatilkynningu að fyrirtækið myndi áfram styrkja Rauð[a] krossinn, þrátt fyrir málaferlin."

 Ja-há!  Það er nefnilega það.  J&J ætla kannski að bjóðast til að greiða kostnað Rauða krossins við málaferlin?  Það má nú varla minna vera, fyrst þeir eru að höfða mál á hendur þeim.

Rauði krossinn kærður fyrir að nota rauða krossinn

Við ekki tala góður íslenska hérna, I.

Nýlega fór ég með fjölskylduna í stutta heimsókn til Íslands.  Þar bar fyrir sjónir ýmislegt sem mér þótti heldur miður að sjá í málnotkun og þvíumlíku.  Mun ég reyna að tuða svolítið yfir því hérna, og þá líður mér vonandi betur!

Þegar við fórum um borð í vél Icelandair (það má víst ekki kalla það Flugleiðir lengur) í Baltimore sáum við trjónu vélarinnar aðeins úr fjarlægð.  Hins vegar sá ég nafn vélarinnar vel úr landganginum í Keflavík.  Vélin okkar bar heitið "Guðríður Þorbjarnardóttir".  Nema hvað það hafa kannski ekki verið Íslendingar sem skelltu þessu nafni á trjónuna.  Síðari hlutinn (föðurnafnið) hófst nefnilega á litlu þorn-i ("þ" í stað "Þ") og eð-in voru bara "d" sem einhverju ólögulegu striki hafði verið skellt yfir.  Ég ætla bara að vona að þeir Flugleiðame... afsakið... Icelandair-menn hafi fengið sæmilegan afslátt af þessu illa unna verki.

 Í bakaleiðinni gladdist ég þó yfir því að þeim hafði tekist að stafa nafn Leifs Eiríkssonar rétt!

Hvernig stendur á þessu?

Konchesky er enskur en ekki norður-írskur.  Ég stóð í þeirri trú að Sanchez vildi bara Norður-Íra.

West Ham selur Konchesky til Fulham

Kæri Yossi...

Takk fyrir að hreinsa af línunni á Old Trafford og gangi þér vel að hreinsa flísarnar úr afturendanum eftir bekkjarsetu á Anfield.

Benayoun samdi við Liverpool

Fyrst hélt ég að...

...þessir menn hefðu verið fluttir út á pallinn nauðugir viljugir og sagt:  "Þeir sem vinna ekki, borða ekki."  Erfitt að strjúka af olíuborpalli. 

 Hvað um það, gott að þetta leystist farsællega.

Starfsmönnum olíuborpalls sleppt

Þarf ekki flugmannsskírteini fyrir svona...?

http://www.dispatch.com/dispatch/content/national_world/stories/2007/07/10/flying_lawn_chair.html 

 

Þeir láta sér ekki allt fyrir brjósti brenna, þessir Kanar.